DÍA DA PAZ 2022

Non hai camiño para a paz, a paz é o camiño”

- Mahatma Ghandi –

 

O 30 de xaneiro é O Día da Paz, e queremos celebralo lembrando a lenda de Sadako, unha nena xaponesa que se converteu nun símbolo de paz en todo o mundo. 

Durante o mes de xaneiro, achegamos ao alumnado a historia e creamos talleres de papiroflexia para que aprenderan a facer grúas de papel na biblioteca escolar.

Na seguinte presentación achégase toda a información de forma detallada. Pódese acceder a ela picando na imaxe.

Os obradoiros na biblioteca para aprender a facer grúas, tiveron unha gran acollida entre o alumando. Picando na imaxe accédese ao vídeo onde se poden ver algunhas das creacións dos nosos obradoiros. Pódense ver algunhas imaxes picando aquí.

 

Para conmemorar o Día da Paz e a Non Violencia, o alumnado de educación infantil e as súas mestras plantaron un ciprés ao carón dunha das portas de acceso ao Atín Cela. Segundo ben nos explicou unha alumna de 4°, disque é unha árbore que invita a vir para quedar e tamén é árbore de vida.

 

É unha árbore que na casa onde estaba, indicaba que podías atopar xantar, bebida ou incluso aloxamento para ti e os teus, segundo  tivese 1, 2 ou 3 ciprés. Símbolo total de hospitalidade!

 

Axudaremos a coidala e a que creza por moitos anos!!

 

 

 

Ademais o alumnado de primaria, pendurou das árbores pombas da paz para celebrar esta data. Pódense ver as fotografías picando aquí. Para gozar do fantástico vídeo picade na seguinte imaxe.

 

💖 Nunha data tan especial a música non podía faltar, achégate ata o blog da aula de música picando aquí.

 

  

Da nosa celebración deron conta na páxina web oficial do Concello de Mos. Picando na imaxe pódese acceder á noticia.

E tamén estamos presentes no facebook.

No ano 2021 conmemoramos esta data bailando “Vivan las manos de colores”

Na seguinte presentación, podedes escoitar os desexos do alumnado do CEIP de Atín – Cela neste día tan importante e coñecer máis de cerca algunhas das persoas que defenden a tolerancia, a solidariedade, a concordia o respecto aos Dereitos Humanos, a non-violencia e a paz.

Esperamos que vos guste!