ESTAMOS DE VOLTA!

Onte, día 24 de Outubro, foi o día das bibliotecas e por esta razón foi o día da apertura deste espazo escolar. Para facer este día un pouquiño máis especial, aproveitamos a temática do proxecto do noso colexio para guiar aos nenos e ás nenas a coñecer o destino final: a biblioteca.

Como sabedes, o noso lema é "Atinando polo mundo" porque cada aula enfocarase nun país para indagar as curiosidades e a historia de cada zona. Así que aproveitamos para que o alumnado resolvera unhas probas que apareceron esa mañá na aula. A través da solución a cada adiviña, cada aula puidose desprazar polos países atopados no colexio para ter que resolver outras probas novas ata chegar á proba final que lles conduciu á biblioteca.

A emoción non quedou aquí, xa que dentro atopamos unha chea de agasallos, un para cada país. Foi unha ledicia para todos! Agora temos ganas de volver a este lugar máxico para seguir coas nosas investigacións. Seguiremos informándovos das sorpresas que se esconden neste lugar. Preparádevos!