ENTROIDO 2022

 

Empezamos o noso Entroido cun vello coñecido... O MECO.

Durante catro días os nenos e nenas deben cumprir as ORDES deste personaxe poñendo diferentes prendas: gorro, pixama, bata ou calcetíns.

As ordes do Meco queren facer unha homenaxe a nosa poeta máis universal, xa que, este ano inclúese por primeira vez a celebración do Día de Rosalía (23 de febreiro), nas conmemoracións recollidas no calendario oficial.

Pódense ler os mandatos premendo na imaxe.

O venres previo ás vacacións celebramos a gran festa do Entroido, onde tivemos a sorte de gozar da actuación do grupo infantil de A Nosa Terra de Pereiras que animaron a todos coa súa música💖

Despois desta fantástica actuación produciuse a lectura do  TESTAMENTO no que se exaltan os pecados ou vivencias máis destacadas do último ano e a posterior queima do Meco.

Nesta ocasión o Meco era unha representación satírica dun virus, que busca denunciar certas situacións que sucederon nos últimos meses arredor da pandemia e doutros acontecementos que marcaron a vida de todos os membros da nosa comunidade educativa.

É o alumnado de sexto de EP o encargado de ler este testamento, mentres ao final de cada estrofa os alumnos e alumnas do centro corean... LUME AO MECO, LUME!!

Pódese ler e escoitar o testamento, premendo na imaxe e no potcast.